頭先食飯時見到IKEA個新廣告，用左羅文首<<乜都拗>>
雖然幾得意，但真係比起原裝就仲有D距離....
如果你睇過，你就會明白。
http://youtu.be/IS1zuZUq26I
近呢幾日見到幾單學生自殺既報導，見到家屬呼天搶地甘
痛哭狂叫，都覺得有d心痛既感覺。
究竟有咩事要走上自殺呢條路呢？可能我地身為局外人係
唔能夠完全明白，但呢d事又反思左一下。
老實講，做人甘多年，我真係冇咩遠大目標。做好每日工
作，過好每日生活，係我一路做既。因為世界同周圍環境
變化得太快，好多時跟本冇可能跟到自己心目中既plan去
實行，只可以見步行步，隨時變通。雖然有時會令人好氣
餒，但又有好多意想唔到既驚喜，你永遠估唔到下一秒會
發生咩事。
最近寶寶因為工作，走訪左好多同行，睇左好多唔同成功
人士既故事。其實佢地都有一個共通點---就係死唔斷氣，
捱到最後，終於等到機會之後成功。
人冇話天生就識晒所有野，更唔係一定人人都叻，如果人
人都做到既野呢d叫平凡。唔好可以改到好，今次失敗下
次可以再努力，又或者發現唔係自己興趣專長，改行其他
路都可以。
生命有好多可能性，雖然生活好似有好多限制，但我地依
然可以做到好多我地想做既事。可惜既係，我地每一個人
都只有有限既時間同健康，人人都會病會死。
人，反正最後都要死一次，其實唔洗甘心急。
比個機會自己，好好完成只有一次既生命，盡努力做自己
想做可做既。因為最後都會死，之後會慢慢被遺忘，絕大
部份都會好似從來冇出現過呢個世界一樣。所以如果唔好
好enjoy生命，對唔住既只係自己。
加油〜 咩事都好，未到最後千其唔好輕言放棄!
