算命 @ 淘寶

相信有D朋友都會豈新年前後去下算流年，求下簽... 睇下下一年運氣如何，同埋有咩野可以趨吉避凶。
所以今次就會介紹一下一D寶寶試過，比較有料到既店舖，等大家有興趣可以幾十蚊算下。

其實，寶寶自己都好醉心玄學，有去學過下八字同紫微斗數...
但因為覺得幫人算命，如果你算錯又或者講錯說話，可以對命主造成好大既好影響。
比如，好多時大家都會聽過"剋父母"呢個名詞。
寶寶有一次北上做FACIAL時，美容姐姐同我講佢比人算命，話佢剋父母。
而實情亦真係佢媽媽豈佢5歲時就過左身，講到時都feel到佢有少少唔開心。
八字老師經常去提醒我地，唔好話人剋父母，因為冇一個人既命可以剋死另一個人。
如果見到個八字入面見到命主同某一六親有刑剋，其實只係因為呢位親人自己命數如此，所以呢個客觀事實反映左豈八字入面。
唔好太睇得起一個人咩都冇做，只係企豈度條命就可以剋死另一個人~!
埋刑剋唔一定死別，可以係身體唔好，大家感情唔好，又或者聚少離多.... 所以唔好比"刑"呀~ "剋"呀~ 呢d字嚇親。

同埋好多時d人算命，都係因為對前路不明，或者有唔開心事....
想算下命，為自己搵個出路...
人豈呢d時間，大多心靈都比較脆弱，容易接受人地既說話。

而且，寶寶成日都會覺得，如果睇到人地之後唔好... 甘點呢?
講左，另人唔開心; 唔講或者話冇事，呢個亦唔係豈命理解讀出既結果。
亦因為呢個諗唔通... 寶寶一直唔幫人算，亦冇同朋友講自己過識。
呢種純學理而無實戰既情況之下，寶寶自知好難有進深既機會，所以不時周圍去算下，偷下師甘啦~!

八字 - 易非易
http://yifeiyi88.taobao.com/shop/view_shop.htm?spm=a1z09.2.9.6.0DleJk&user_number_id=418775235
呢位老先生講既好中肯，亦好有道理，另寶寶諗通唔少。
算完之後，因為一D原因支付寶過唔到數，大家研究左一輪之後，老先生居然講不如算啦唔收$$....
甘人地打開門做生意，又點可以唔比$$人地呢? 所以最後就托左一個國內同事入$$比佢。
呢件事真係令寶寶印象深刻。

紫微斗數 - 清水居
http://lins20080423.taobao.com/?spm=a1z0b.7.2-3385855759.1.lBBhXy
師父講得好深入同仔細，由人身互動關係，到外型樣貌，通通有講..
呢個亦係紫微斗數既特點，對形象描述可以非常細緻。
雖然後來再入返去個店舖度，見到POST左一D另人摸不著頭腦既文字...
但當時豈旺旺傾時的確正常冇問題....
無論如何，如果算紫微斗數，呢間的確OK

** 提提大家，雖然寶寶都信命數有一定，但都應該從一個積極樂觀既方向去睇~!
同一件事用唔同心態去處理，都可以得出好多唔同既可能性。 **

婚紗 @ 淘寶

最近寶寶最滿意既一次淘寶，就係為家人bid既一件婚紗。
因為實物真係好~靚~呀~
身上既lace花釘珠，同一層一層長長既魚尾，同相一樣一d都冇走樣。
http://item.taobao.com/item.htm?id=16154464996

寶寶bid果件係升級版，有10條魚骨豈腿至胸既位置... 著上身個shape會好d....
因為呢件只係要黎影外景用，大家都係抱住"唔得都係幾百蚊姐"既心態一試，收到打開時真係幾surprise~
之前去過大大小小既婚紗店舖，睇左同試左好多套唔同既。再睇返呢條，如果唔講，真係唔覺得有咩分別。
但呢個價錢真係豈香港租都未必得~!
做工質地都唔錯，而婚紗唔fit身既擔心都豈試衫後完全消除，真係好合身，可能因為係後面綁繩而唔係拉錬既關係。
唔同寶寶件晚裝唔啱身要去改.....
不過，呢d standard size禮服要買到fit身有時都講下彩數，寶寶都見有d店舖可以按客人尺寸訂造，或者可以免費修改(當然唔包運費)
大家如果要bid時真係要度清楚，同睇清楚喇~

ps. 本來想post實物出黎，但怕家

寶寶的話

新年就到喇〜 寶實一放工就走左去整頭髮，已經特登早d走，但都勁多人，等左成半個鐘個髮型師都未過到黎...... 

平時豈公司都急急忙忙寫blog，就趁而家用iPhone慢慢寫！

話說寶寶好多年前都有玩過yahoo blog，當時首頁有晒分類，而又會按出post時間見到自己個post豈list上面，果時好似易d同大家交流，blog唔需要做咩都會有人見到。

而家改左版之後就比較難搵到自己個post，一開始時唔知要去yahoo 知識度set返個blog公開，最初幾日都係0瀏覽... 

之後寶實就將自己個blog放上d forum度先開始有返d人氣，畢竟開blog都希望有觀眾欣賞麻。

可能大家會覺得奇怪，就算冇網友都有身邊朋友可以豈blog交流呀〜 呢個問題寶寶都諗左一陣，如果post上自己facebook應該會有多d回響，但寶寶只想以一個網上身份同一班同好分享，做一個神秘人似乎一切都可以來得單純同自由，所以就選擇左唔通知親朋好友lu.... Hehe

正如第一篇＂序＂入面所講，寶寶近呢一、兩個月都想寫野，但之前一直都搵唔到topic寫咩好。美容？寶寶唔想出鏡，但冇返d before and after 照，好似冇咩說服力；散文記事？哎，人大左冇甘多詩情畫意（寶寶曾幾何時都係一個多愁善感既人，托賴而家生活同心情每日都唔錯，好難再寫出d咩感人文章，講個爛gag都還可以既）；飲食？寶寶人如其名，有唔少baby fat，美食當前都要適可而止比較好......

諗黎諗去都冇咩頭緒，而寶寶亦豈玩樂既日子中一日拖一日。

有一日返工時，無意間發現左一篇講淘寶既blog，果時就"叮"左一野，呢個得〜 呢個得呀〜！淘寶，我成日都bid架啦！就算冇新野，炒冷飯都有排比我炒啦！（其實我仲有好多唔同類目既野未post，之後會慢慢上，大家請支持留意：） ）

甘就開始左我個淘寶寶喇〜

一開始，其實我係想做一個類似新手教學既形式，但之後發現出面對好多人已經做左，仲做得好好，好有系統。而其實好多人都有淘實經驗，所以就唔想講學集中講甘多，不如介紹下d貨又講少少心得，輕輕鬆鬆又易消化。

如果你有睇我前面d post，可能你會發現，好似件件都唔錯甘，淘寶d野係唔係甘好呀？
甘當然唔係啦！淘寶入面都有好多質量唔好既野，仲可能一d都唔平！
大家如果有去過羅湖商業城買野既經驗就會知道，佢開200蚊既野，你分分鐘可以殺到50蚊成交，價錢只係你願意比幾多，同件貨既價值同質量有時關係唔太大。
大家豈淘寶，什至豈邊度買野都好，一定要打破貴就係好d呢個迷思，因為佢地真係夠膽死將值5蚊既野包裝得靚靚地，之後用100蚊賣比你。其實呢d都係慣常商業手法，寶寶係製造業一員，見到好多時零售價居然可以係出廠價既9〜10倍，至於係邊d品牌咩貨，請原諒寶寶仲好需要呢班衣食父母，大家覺得值就買啦！
買野，好多時都為開心姐！但用少d錢到更多野就更開心！但如果豈淘寶都唔會追求太多品牌同shopping experience，都係去返最基本既款式、價錢同質量。所以豈淘寶就要比d耐性心機搵，慢慢格價，留意評論，甘樣豈淘寶都會搵到平、靚、正既好野！而寶寶亦想借呢個blog同大家分享呢d好野，如果各位淘寶達人有好野介紹返比寶寶就更開心啦！

寫下寫下唔覺都電到差唔多喇，下次再傾！

豈呢度寶寶多謝大家抽空黎睇我個blog，寶寶會繼續努力！大家要多d返黎呀〜〜〜〜〜 ^_^

百搭半身裙 @ 淘寶

寶寶今日襯左條百褶裙返工，今日就講下呢條啦~!

http://item.taobao.com/item.htm?id=16056945357

實物同圖一樣，幾靚~ 又易襯~
收到時有某連鎖時裝店既LABEL同吊牌，而店家又冇話係某品牌，相信係貨尾居多 (如果要仿，就應該會強調XX品牌....)
RMB35.00 之後任算3件店內貨品國內包郵，都算抵玩....

同時寶寶都買左另一條A字半身裙
http://item.taobao.com/item.htm?id=17529535013

呢條只人仔廿五蚊，又係百搭款。
不過寶寶都係鐘意百摺果條多D，暫時都未著過呢條A字裙，連包裝係點都冇咩印象 :P

因為要湊夠3件包郵，寶寶仲BID多左條褲，但係試著後感覺一般，就唔介紹喇~!

CONVERSE @ 淘寶

寶寶最近對converse爛左， 所以趁新年前去淘寶bid返對過年著~

相信好多人都試過bid converse... 寶寶身邊朋友都bid左不下十幾對....
而基本上都唔洗話bid邊間，只要
1) 佢保証係正品(如果發現係假貨可以向淘寶投訴)，
2) 評價夠高，
3) 價錢啱，就可以BID...
次次收到都OK冇問題。

http://item.taobao.com/item.htm?id=16202858167

實物圖

~ 追加實物影片~

晚裝 @ 淘寶

寶寶家中因為就黎辦喜事，所以最近就去搵晚禮服....
豈香港租都要幾百蚊，有位朋友就話曾經豈淘寶BID過婚紗同禮服~
而果位朋友請飲當日，寶寶都係宴會座上客，講真，果D同出面租既係冇咩分別，但價錢就平好多....

所以就介紹左我BID呢間

靚靚小資
http://liangliangxiaozi.taobao.com/shop/view_shop.htm?spm=a1z09.2.9.104.rPY8xC&user_number_id=353828706

我自己選左呢一條清清地
http://item.taobao.com/item.htm?spm=a1z09.5.0.41.UF8Ukf&id=15870846381

實物圖

收到都OK，不過SIZE就要改一改, 因為胸位太大，同埋拉錬有D難拉，其他都唔錯。

....... 不過，後尾比寶寶搵到另一間同款只賣RMB99........ 唔知一唔一樣呢.............

農曆新年好快就到，大家要淘就快手喇~!

春節係國內一個最重要既假期，好多離鄉工作既同志們都會返屋企過年，所以豈國內大部份既運作幾乎都會暫停。
寶寶今日上去淘時，有好多店舖都已經休息喇....
而快遞既速度好多時都會比較慢~!
所以各位有心淘寶既朋友呢幾日好快d bid喇... 如果唔係就等春節假期完左，約2月廿幾號到先會慢慢恢復正常

靚靚 平底鞋@淘寶

因為寶寶本身比較高大，而早年又整親過腰骨，所以著鞋都只可以著平底鞋，眼見好多又靚又精緻既高跟鞋都只得個恨字........
但係，平底鞋都有靚靚精緻款既~ (自我安慰....)

今次想同大家介紹一下，一間比較多平底鞋款既店舖 :
非常完美
http://shop59482795.taobao.com/?spm=2013.1.7552124-1214211388.3.hQLHW0

呢間D鞋寶寶買過6對，質量都OK，但價錢就中上 (平底鞋約RMB40-60到.. 其他冇留心睇，好似貴D...)
本來想比埋我bid果條LINK出黎，就可以因為佢地開始放農曆年假既關係，所有貨都下晒架....
如果有興趣大家可以過完年再去望下有冇啱心水~^^


#1 - 呢對係寶寶第一對睇中既... 因為之前與豹紋，就上淘寶枇搵返對...
收到後同相係一樣，幾靚幾精緻; 但尺碼就偏細。
奉勸大家豈淘寶買鞋時一定要問下賣家，尺碼有冇偏大或細。
如果可以，最好叫賣家比一比鞋既內徑長 (底腳內籠長度)，同自己腳既長度對一下，甘個SIZE通常都冇問題 (除非尺寸唔啱又或者鞋形太特別)。

#2 - 蛇紋OL款，簡單易襯。
同上面果對差唔多，同相係一樣，幾靚幾精緻; 但尺碼就偏細。

#3 - 呢對係CAUSAL款，賣家話係牛皮，買左RMB60.00。
實物都係好唔錯，至於係唔係真皮呢.... 就冇研究喇~
但當著通出街鞋都係幾唔錯既~!

三十幾蚊人仔仲要包郵既平靚正牛仔褲 @ 淘寶

寶寶一直都好想豈淘寶BID一條平靚正既牛仔褲，但一直搵唔啱心水...
之後比我發現左呢條，見佢甘平又包郵(國內)，米BID黎試下....
http://item.taobao.com/item.htm?spm=a1z10.1.15196728-789619859.33.2kSqG6&id=16611029825

第一次BID因為預大左，黎到太大唔啱著.... 點知我媽就好FIT身.... 所以就孝敬左媽媽喇~
因為質地唔錯，穿上去好舒服，而且個型都OK，一睇就知道係真正原單貨尾。
就bid多左條細既比自己... (原本想再bid多條，但今日再上細碼已經斷左貨)
不過對於寶寶黎講，個褲浪同hip位大左dd，著上身有少少瀨屎feel.. 但都幾好睇...

呢間 321外貿 久唔久都會有d平靚正既牛仔褲，大家有時間都可以留意一下~!
http://shop101183735.taobao.com/?spm=2013.1.15196729-1064360071.1.KkMK4Y

一分鐘之內換髮型 -- 人造假髮

寶寶都幾鐘意轉髮型, 長長短短，電完又拉直...
有一次遇到間唔好既髮型屋，頭髮就被電壞左..... 養左成2-3年，而家先叫好返D....

之前無聊睇YOUTUBE教人化妝D片，教人用一隻日本品牌hanako既人造假髮，效果又幾靚。
如果用假髮, 唔洗電, 唔洗set... 又可以隨時轉髮型甘都幾好~!
所以就試下上淘寶搵下有冇類似既野..... 跟住就bid左呢個bob頭
http://item.taobao.com/item.htm?spm=a1z09.5.0.42.dX6Ch3&id=21336116559

收到後試戴

基本上都幾自然... 亦唔難戴....
但.... 實在太焗太熱喇........ 可能冬天最凍果幾日都可以用下 :p

LCD電視遙控器@淘寶

話說寶寶家中有一個32"既LCD電視，係4-5年前買, 一直用得好地地...
不過不幸地，個遙控就壞過2次.......@@

第一次壞既時候，寶寶諗住搵果D萬用遙控代替，可惜得返黎答案係呢種電視係用唔到。
之後就傻傻地甘去返代理度排隊問，最後就用左$320蚊買左個遙控...........

但用左唔夠1年，呢個價值$320大元豈代理度買既原裝遙控器又CERTIFIED........
部電視又好好地無理由換...... 但唔市通又比多3百2去買個遙控????

豈一輪思想爭鬥之中，閃出左一個諗頭 --- 上淘寶~!

可惜, 當時只比我搵到2間，仲要一間冇貨.....
最後就用100蚊人仔買左呢個..... 用到而定暫時未壞... 希望可以用到換機為止啦~!
http://item.taobao.com/item.htm?id=5330789188

淘寶上的原單貨尾 短靴

話說中國係世界工廠，全世界好多貨品都係made in china
寶寶都係製造業一員，知道工廠豈生產前後，多多少少都會淨底一d貨尾，而跟住呢d主單生產而漏出黎既貨，豈淘寶就稱之為 --- 原單。

點解好好地一單貨會有貨留底，都有幾個原因 :
- 最常見就係有瑕疵，而大貨被qc扣出。除左一d非常大既問題，好多時呢d貨如果唔係行內人去檢，基本上一般用家睇唔出。
- 趕唔到客人貨期，而被全批或部份取消訂單，又或者廠家唔敢賠飛機費一拍兩散 (哎，賠一次飛機費，有排都賺唔返... 寶寶當年做買貨時因有廠遲成3個幾月貨期，就曾經經手罰過百幾萬飛機費，雖然錢唔係我出，但見到銀碼都驚一驚 )
- 有時因為貨品達唔到海外客人測試要求而退貨，所以寶寶一直豈淘寶點買都好，都唔會買全何食入口，搽上面 又或者張長期插電用既野.... 安全第一!

好多時公司都會充塞住 (無錯，係多到塞住) 呢一d貨尾同sample，寶寶而家都被十數個放滿貨尾既卡通箱圍住
其實真係好鬼放上網賣晒佢，但又怕得失客人....都係冇如此guts..... 亦冇如此心思....
好多時都係放佢幾年，過晒氣之後就會斷磅賣比收賣佬，之後大家就好可能會豈d出口店見到，所謂剪牌野。
但呢個世界布guts既大有人在.... 如果你夠心機時間，豈淘寶唔難發現一單原單貨，係包晒label同原裝包裝既出廠貨 (唔係a貨)....

如果你只係買款同質量，原單貨會係一個幾好既選選擇，而且好多時都好平tim~!
點解平? 如果你搵到既係廠一手自己攞出黎既，因為通常量多，而又唔係專業自己做零售，會開過價底d但求快d去貨，未必因為存在質量問題。
而且工廠跟原單大量生產，成本其實可以好底，因原單個量講緊係上千上萬。而且海外品牌買家買貨比賽專業，有一定質量要求，比較可信。
但係如果係做零售既店舖，而賣得超平，就要小心喇~! 講真，佢地自己都要去攞貨之後再賣，中間批發要賺，賣甘平仲可以比到d咩你呢?
寶寶亦試過貪平去買一d 20-30蚊人仔既所韓版衫 (即係copy韓國款)，唔可以話件件都唔好，但好多時都中伏 --- 貨不對辦。但中間都有好野，寶寶有一件30蚊既扭花冷衫著左2年，易襯又暖，但呢d都係少數......

講左甘耐，其實寶寶係想介紹之前買過既一對短boots仔。
寶寶買果時仲有碼ga，今日再上時已經斷左lu~
我bid左呢對之後，前後為身邊親友前後買左5對。
因為呢種平底而個款ok既短boots比較少見，而且仲要好平 -- 36蚊人仔仲要包郵(只包國內)，所以寶寶都買多左對日後替換。
http://item.taobao.com/item.htm?spm=a1z09.5.0.41.eNTlRv&id=19995348233

 

寶寶今日著既寶物~
收貨時有齊原裝鞋盒同價錢(可能又係一個比人退貨既心酸故事)。
其實都幾好著，但我媽媽就覺得個鞋底有D薄，寶寶就覺得同一般平底鞋差唔多。

~追加實物video~

多謝收睇~ 下次再會~

日系 森女 風 2

上一次同大家介紹左2間森女風既店舖，今次再介紹另一間寶寶都幾鐘意既日系森女風格淘寶店比大家

白金天使
http://bjts.taobao.com/view_page-22708303.htm?spm=a1z10.1.3-3554434343.6.Bedkol
寶寶有時都會豈一D本地拍賣網站，見到一樣既靚衫相，係唔係一樣既野因為未試過BID就唔知，但可以比大家多一個選擇。
呢間D衫既用料同質素，比上一個POST介紹果2間好，套用一句淘寶成日見到既述語 "價比性高" --- 睇落件衫真係似貴價日本野。
寶寶暫時都係BID過冬天衫，加厚衛衣既質地真係好好，又厚又暖，著上身感覺好滑好舒服
今日寶寶都著住其中一件，等我翻個手袖比大家睇下先:

雖然話就話好鐘意呢間D野，可惜寶寶身形對日系服裝黎講真係有少少OVERSIZE，有昤最大碼都會偏細.... 所以選擇就有限喇....

今次都會分享2件戰利品，去片~!

#1 - 呢件褸寶寶一見鐘情  真係好靚~!
話就寶寶係唔會豈淘寶買超過RMB100既衫，因為就算衰左都係有限$$。但呢件褸真係太鐘意，同埋其實百令蚊人仔 (即2百幾蚊港幣) 一件褸都OK~
所以就BID左~! 果然冇另寶寶失望 ^^
領口D毛毛好滑，內面係暗花。收到時袋口都用線收好，好似D高價衫甘要拆線開口袋。
而寶寶最擔心唔啱著既問題，亦冇出現，件衫係FIT size 

http://item.taobao.com/item.htm?spm=a1z09.5.0.42.q2IAom&id=16557122136

#2 - 就係上面寶寶翻衣袖比大家睇質地果件喇~
寶寶買左淺灰色，因為實在有太多藍色間條衫。
實物同相基本一致，質地真係好好，又厚又暖，著上身感覺好滑好舒服
http://item.taobao.com/item.htm?spm=a1z09.5.0.42.GfxvZe&id=16479970559

下次再會~ bye~

日系 森女 風

寶寶最常豈淘寶BID衫，基本上已經好少出街買野，因為實在 太~ 貴~ 喇~! 開季時(2012年10月到)出去行街，入左去一間之前一件只賣幾十至百幾蚊既時裝連鎖店，見到件背心外套幾好睇，一翻開價錢牌  竟然要成4百幾5百蚊? 唔知係寶寶唔UPDATE, 定係香港租金實在太高，一件普通到咩都冇，又冇又冇牌子既淨色背心外套，仲要豈屋村商場賣，竟然貴成甘。
寶寶都係乖乖上網淘下寶算喇~ 寶寶個人都唔係細粒, 有成170CM高.. 好多淘寶既衫都比較細件，唔係甘啱寶寶，所以要搵都要比D時間心機。
近排豈淘寶發現左一個新名詞 "森女" (如果大家一早就知唔好笑我呀... )，比較起之前寶寶常用既KEYWORD “日系 / 日單””田園”一類，”森女”呢個KEYWORD 搵出黎既野真係精緻得多。

今次想同大家分享2間淘寶店舖，都係賣緊同一貨源既日系森女裝:
青木日單良品
http://shop63279416.taobao.com/shop/view_shop.htm?spm=a1z09.2.9.291.lmJT7S&user_number_id=584000493
扶桑花開
http://fusanghuakai.taobao.com/shop/view_shop.htm?spm=a1z09.2.9.159.lmJT7S&user_number_id=267801749

寶寶都唔知係唔係出口野，不過用料同款式的當唔錯，而且因為都係OVERSIZE款，通過都啱著。
不過下面圖既MODEL身高係163CM，所以寶寶著圯身就冇甘娃娃同冇甘長，但效果都OK。
 

下面係寶寶淘左其中既3件，等我同大家介紹下:

#1 - 實物同相係差唔多，只係我著上身就只去到大脾一半，但配LEGGING同BOOTS都幾好睇~
http://item.taobao.com/item.htm?spm=a1z09.5.0.41.HgUiW9&id=16596769170

#2 - 本來非常期待既一件，好似好修長好SLIM，睇相真係好鐘意GA~! 收到著上身時..... 哎，對於寶寶黎講實在太短...... 加上闊大既衫身，就顯得個人肥.... 出面要穿件背心先OK.....
    但質量係唔錯，如果你身高同MODEL差唔多(163CM)，都可以一試~!
http://item.taobao.com/item.htm?spm=a1z09.5.0.41.x7leCX&id=17217335362

#3 - 呢件背心係我近期至愛，因為好好襯而且勁保暖，入面有層好厚既FLEECE。寶寶同朋友除夕十令度豈天台BBQ，都係著佢咋~!

http://item.taobao.com/item.htm?spm=a1z09.5.0.41.FMYX5v&id=16592669180

淘寶 第一件事一定要留意既 --- 店舖評價

上淘寶, 無論你買咩都好，最重要一家要先睇一樣野 --- 店舖評價好簡單，豈先入左去店舖首頁，之後只要你用個MOUSE指住上面中間"和我聯繫"呢個位 (唔需要點入去)，就會自己彈出黎，好似下面幅圖甘。

呢個評分係用全部同行既店舖，貨品出售之後，買家收到貨品之後既評價對比出黎既。
雖然寶寶唔排除有打手既存在，但按個人經驗，一般豈一D評價高既店舖買野，D貨收返黎同網上描述會比較一致，衰既情況比較少。
呢個不失為一個值得參考既資料。

為大家介紹一下先:
描述相符: ((呢個係最重要~!)) 係講緊D貨同店舖網上介紹既相符度，基本上越高分，呢間野D貨就越好，可以比較放心去買。
   但係唔係評價高就冇問題，寶寶亦試過豈評價底既店舖淘到好野，亦有試過豈評價高既店BID到衰貨，但比例上評價高既店衰既情況比較少。
** 要留意 "高於100%"評價超高分店鋪: 如果呢間係新店，而賣出貨品只有一件，而呢件貨買家比滿分，甘佢個評價都會上到"高於100%"，所以容易為打手所為。但亦唔排除新店賣既野堅好而有人比5分，甘到時就要睇下件貨貴唔貴，係唔係真係甘鐘意而去BID喇~!

服務態度: 呢個係賣家既服務態度，相信唔需要寶寶多解釋。
服務好唔好.. 其實一間間，有D超好，有D就好串。不過，寶寶覺得最重要係佢解釋得清楚及發貨快，其他態度既野就唔太在乎，畢竟我要的只係平靚正既貨

豈淘寶BID野時，奉勸大家一定要豈旺旺同賣家溝通一下，主要原因有三:
1) 唔一定有貨
可能有D貨你要既SIZE或顏色冇貨，又或者要等。

2) 運費修改
賣家好多時都會填D大個運費，又或買幾多包郵之類，落BID之後要求賣定對一對。
你唔對又比左$$, 一D唔誠實既賣家見你唔知，就唔會退; 但寶寶亦試過比多左，有好心賣家自動退款 (可能怕之後比差評，但呢D事唔經常發生，大家都係小心D好，淘寶買野都為惜錢呀~!)。
((小TIP: 買得多可以試下要求包郵，不過通常都係只肯包國內，大家如果有國內地址或做集運可以一試。))

3) 可能店舖已經冇人經營
因為實在有太多人經營淘寶商店，有D係好有系統既商店，佢直情係一家公司有人輪班做野; 亦有一D係業餘經營 (可能係上班一族，學生，家庭主婦等等....) 唔經常在線，所以要豈旺旺留MSG比佢地等覆。
所以有D人可能玩玩下就冇再做落去，呢個唔難理解，所以最好問一問。

收到貨後如果賣家發錯貨，或者貨品有問題，其實係可以同賣家協商退換或要求部份退款。
有部份店舖有"7天無理由退款"，好似係如果收到貨後7日內，不論任何原因，就算你BID完之後後悔唔想要都好，都可以退貨攞返$$。

不過寶寶就未試過，因為豈香港運費比較高，所以唔知係唔係同國內一樣做法 (國內運費好多時都係十蚊8蚊)，為免有咩唔開心，大家如果有甘既諗法都係豈落BID前同賣家溝通清楚比較好。
因為寶寶豈香港，如果件貨唔啱心水，只要唔太貴都唔會退返比賣家，因為一次順豐最少都要成30蚊人仔，對於買幾十蚊貨仔既貨，寶寶亦明白搵食艱難，只要對方唔係全心欺騙或者發錯貨，都唔會要求退換或退款。

發貨速度 : 比左$$去支付寶之後，對賣家發貨至買家收到既時間評分。
心急既朋友，最好問清楚發貨要幾耐。因為賣家唔一定賣現貨，可能你落左BID先攞貨，甘可能要額外時間。
同埋唔同快遞公司，有唔同發貨速度。如果大家肯比$$，去香港最快係順豐，如果送公司地址一般如冇扣關1-2日到，屋企地址就可能慢少少 (因為住宅冇定期派件要另外去)，但會比較貴 (RMB30/首重)。
其他快遞公司去香港，就可能平D但慢D。
而國內送國內好多時都比較慢，但比較平 (幾蚊至十幾蚊首重)，寶寶因公司國內有廠可代收件，就最常用
不過，用邊間最好問一下賣家有邊間比較好，因為賣家所在地唔一定間間快遞都到。

先睇店舖評價，之後就可以豈一片淘寶海中FADE OUT好多選擇，要淘到好野充
下次再講其他~^^

序: 寶寶在淘寶的開始

HELLO~ 大家好~!
因為年近歲晚，寶寶是個MERCHANDISER，因工廠快要休年假而比較清閒，所以又再次重燃寫BLOG的心，在YAHOO開了個新ACCOUNT來跟大家分享。

寶寶玩淘寶也有好一段時間，最初因工作關係上淘寶找資料。看見款式又多又便宜，可是一直遲遲不敢下BID，因為怕麻煩，又貨不對辦。
後來終於有一次鼓起勇氣BID了第一次，是RMB30多元一件的大毛衣，收到後感覺還真不錯，之後就一直淘一直淘一直淘...............
小至衣服鞋襪, 大至浴室上牆按摩花灑，寶寶都一一淘過~!
中間也有失敗的經驗，好像是質量很差，或實物跟圖有所不同，但大部份淘回來的貨品都是另人滿意的東東。
當然，要淘得好東西是有一些需要留意的地方，寶寶會在之後一一跟大家分享。
也非常歡迎各位朋友來跟寶寶分享其他淘寶筍貨，交流交流。

來，讓我們去淘淘寶，一起抗通漲吧~!