哥哥 張國榮

就離又到4月1號.... 多左人談論哥哥....
寶寶小時候有2位超級偶像, 一個係梅艷芳，另一個就係哥哥。
果時佢地2個會有合唱同一d合作演出，天真既寶寶一道以為佢地係一對......
而梅姐同一時期亦有同譚詠麟合唱，因為呢一位"第三者"破壞左寶寶心中完美既一對，
所以一度非常憎恨譚詠麟.... 諗返起都覺得好笑... hahaha....

講起哥哥，好多人為佢難過婉惜....
佢選擇以甘樣既方式去結束生命，實在另一痛心同遺憾....
但寶寶選擇唔去記住呢一個唔開心既Leslie...
豈我心中，
哥哥永遠都係充滿活力，高雅自在既Leslie~

中學時去唱k，都會點d玩野歌。
好記得有一次同成班同學, 十幾人一齊豈k房一路唱一路跟住哥哥跳Monica，勁high。
(吳家麗個曲髮同濃妝真係超經典)

"胭脂扣" 戲好睇，歌好聽。
哥哥演活左十二少。
梅姐雖然唔係天資國色，但佢好有味道 ; 果種豈骨子裡面透出對愛情既執著，如果你有睇過一定感受到。

"東成西就"中好cutie既真心人 > <

"芳華絕代" 係哥哥同梅姐最後一首合唱歌，而呢個MV亦係哥哥一手一腳自編自導自演。
呢首歌既內容，大約都代表左我對佢地2個既印象 --- 堪稱芳華絕代，後無來者。
而早在廿幾年前，寶寶已被收做佢地既迷。

寶寶亦選擇對哥哥保留住呢一個自信高貴，顛倒眾生既印象，好讓哥哥在我心中永遠芳華絕代。

伸縮太極劍 @ 淘寶

玉女劍法~ 玉女劍法~ 你被我刺傷~ 刺傷~

早前，寶寶就幫家中一位過期玉女bid左一把太極劍(可伸縮)
http://item.taobao.com/item.htm?id=15275222667

事源係豈香港買原來要幾十至百幾....
寶寶聽到當然自動請纓上淘寶bid返把。

因為一把只係十幾蚊人仔，就一次bid兩把....
送比人又好，自己替換又好....

玉女上太極班時同太極友分享，一致好評平靚正，
送左一把比人，又叫寶寶bid多2把....
雖然自己冇用過，但見甘既回應都應該唔錯~^^
bid返把比家中長輩都係一個唔錯既選擇。

PS. 看到BLOG友的留言才想BID太極劍有一點要留意，
就是劍的長度 "把劍垂下時劍尖跟眼眉高度相若才選合適，過長過短也不好。"

足夠做狗仔隊的新相機

寶寶買了一台新的相機~^^
是朋友介紹 Canon PowerShot SX50HS，50倍的光學變焦，半專業的數碼相機。
半專業的數碼相機，來到不專業的寶寶手上，又會拍出怎麼樣的照片來呢?

來試一下50倍的光學變焦拍到多遠的事物.....
在此開始拍 (未zoom)

鏡頭zoom到x50，看到對面海的碼頭呢~!!! (此zoom還未到最盡，最盡是x200的digital....但寶寶手不夠定，拍不好...)


不需又長又重的大砲鏡頭，輕輕巧巧也能做到如此效果了。
下次去紅館坐山頂位就可大派用場了 ~^^


也試試拍一下普通的室內物品，在光線不足及沒開閃光燈之下拍出的效果

那是用iphone 5 拍的，一直覺得iphone拍出來的還不錯... (平常寶寶都用手機拍照，因舊相機已一早不見了 :p)

那是新機拍的，顏色及光度平衡的比較好。 看看維妮及Jasmie公主的臉拍得精神多了 ~^^

多得友人好介紹，不錯不錯~^^

心亂了......

前天晚上，寶寶就那樣對著ipad，右手不停的搖動著mouse......
為什麼畫面一動也不動呢?
良久才回過神來..... 那是notenook的mouse又如何控制ipad呢?
自己都認不住笑了....

最近，有些新的計劃正在起步階段，腦子想到很多，可問題也很多。
太多太多的事想做，但做的趕不上想的，
弄得自己心中一團混亂，而負面情緒越來越多.....
那是寶寶的老毛病。

今天做facial的時候，終於被迫停下來，
來了一趟在內心的自我對話，
負面的情緒需要被安撫下來，
過於急速的腳步也需要調節。
想著想著，就放鬆的睡去了......

跟自己做好朋友，是寶寶過去10年中最重要的功課....
過去習慣否定及過度要求自己的我，
今天總算能多點接受自我不足，
所以有很多的不愉快，都在內心自我排解了....
有時也會跟朋友抱怨生活上的問題，但也是說完就過了.... 很少留在心中。

寫文章是一個整合和消化自己思想的一個好方法。
文字上的演繹和編排，幫助我們梳理心中散落的念頭，
隨著表達的進程，零碎慢慢排列成有條理的邏輯，
心中的結也就此打開了。

吃著巧克力，心中很想打電動.... 就是收筆玩樂去~^^

DIY CIRCUS馬戲團 橡皮印章set @ 淘寶

寶寶一直好鐘意橡皮印章，因為好靚好精緻~^^
但睇睇個價錢都實在唔平，而自知冇心機去玩印花卡片小物... 肯定玩佢1-2次就變成裝飾品 :p
所以都冇買過.....

上前排出街又比我見到，就心思思上淘寶搵下.....
果然冇令我失望.... 而且價錢仲平到你唔信。

呢盒只要RMB3.40~!
http://item.taobao.com/item.htm?id=9447106731


買返黎自己DIY一番

 

見到牛油紙加印花做成既燈，同自製花紋包裝紙既demo圖~ 吸引左我決定BID落黎~^^

實物圖:

另外仲BID左D印泥同其他印仔... 都係1個幾毫，抵玩~^^

 

天生沒有四肢的人 --- Nick Vujicic 力克·胡哲

或者有網友都認識Nick，因為佢早幾年都黎過香港演講。
如果你唔認識佢，寶寶誠意推介紹比你~^^

Nick 一出世就冇四肢，但其他智力同身體機能正常，
上天比Nick有一個健康既靈魂，但卻有一個唔相稱既身體。

好希望大家如果可以既，可以比少少時間睇左段片....
你就已經會被佢果種，好似陽光四散既生命力所吸引~
而你亦唔會懷疑佢已完成2個學位，成立左自己公司，結左婚仲生埋仔.....
一切人生美好成功既指標，就算上天冇比手同腳佢，都一一成就。

Nick成長既時候，受盡身邊人既奇異目光同嘲笑...
因為自卑同環境影響，Nick小時候曾患情緒病，每日生活豈灰暗之中。
不憤自己點解同其他人唔同，天生有四肢一個正常既身體唔係理所當然ga咩? 每日自怨自憐。
最後Nick亦都一一克服心入面既障礙，一次又一次完成一d平常人覺得好困難，又或者冇可能既事。

睇見Nick... 會諗
"究竟要做一件事，係用雙手，定用個心?"
請唔好睇小自己心靈既力量
佢可以負面到完全摧毀一個人、一個家庭、一個國家.....
但亦可以帶領我地完成夢想、得到幸福、什至造福社會....

無論開心定係難過既事，只要有發生過就係不可改變既事實。
我地可以選擇將失敗同傷痛無限放大，活在痛苦之中;
但亦可以檢討過去，展望將來。
如果生命最壞既時間都已經歷過，甘最差都不過如此....
都已經冇其他野可輸，面對未來又何足懼?

反正一生都有一死，你願意唔願意都好，
所有問題，所有成就，
到果一日都會同你既人生一同完結，
而又有咩會留底?

我自己好耐，冇試過甘樣去講呢d所謂大道理....
因為自覺每人有自己經歷同領悟，
自己又以咩立場去操呢份心?
但眼見連日黎既新聞.... 真係另人觸目驚心......
唔多唔少都吸左d負面情緒... 需要寫下野黎整理一下思緒。
同時亦希望借Nick既生命力，去提供一d正能量比大家。

有時說話呢d野.. 你聽果時唔覺得有任何感覺..
但佢會好似一粒種子埋豈你心入面，
到時候就會發芽生長.....
我地要種好既種子入自己心田，結好既果實....
遠離過於負面同偏激既資訊。
可以的話，都感染身邊人... 埋下善既種子。
人生如此，必定幸福快樂~^^

化妝護膚品收納好幫手 亞加力膠 格格架@ 淘寶

相信好多女仔都會同寶寶一樣，有好多護膚品/化妝品一支二支買到成個櫃筒都係....
因為好難搵，又會唔記得左用..... 好浪費....

寶寶自從房間裝修之後，因為地方問題，呢一堆護膚品就放左入書櫃....
但書櫃冇小間隔，日常用既護膚品就好唔整齊甘散豈書櫃入面...
唔好睇之餘，要攞都唔係甘方便。
所以就特登BID個透明亞加力膠既格格架，
個架透明一眼就睇晒，可以排整齊得黎又易搵~^^

http://item.taobao.com/item.htm?spm=a1z09.5.0.41.d30bqw&id=16277471529 
(寶寶2星期前BID只係RMB27... 今日CHECK入去加左一蚊28)

實物圖

收到時包裝盒唔係佢圖果一張, 但冇所謂啦~ 我要個格格架姐....
廿幾蚊人仔都算唔錯~

呢間店舖仲有好多其他SIZE同間隔既亞加力膠格格架，大家有興趣可按自己需要去選擇~^^
http://iehome.taobao.com/search.htm?spm=a1z10.3.w48084640.11.HLvFLS&scid=337185020&scname=vqvGt7uv17G60A%3D%3D&checkedRange=true&queryType=cat

星期日檔案 網路力量

3.9.2013 星期日檔案 網路力量

唔知大家有冇睇上星期日既星期日檔案呢？
有一班朋友豈網上用唔同媒介同大家分享，就好似我地一班blogger甘〜

網路可以好闊，一篇尋貓啟示可以吸引過萬人留意，另忌廉哥呢隻肥貓咪一炮而紅，
而家佢facebook page有成接近十萬個like〜! 寶寶都係其中之一 ^^

我好認同忌廉哥主人高生，透過受歡迎既忌廉豈網上發怖正面訊息，鼓勵同支持讀者。
每一日見到忌廉哥既post，都忍唔住會心微笑〜 真係人都精神d ~!

寶寶寫呢個blog都一樣，希望透過自己小小既分享，令網友得到一d資訊同便利，
最近都嘗試寫多少少自己既感受同體會，希望呢d微小既分享，可以帶到一點點正能量比大家~^^
雖然寶寶冇忌廉哥甘勁~! 但如果每一個網友都share一點點正能量，甘就已經足以爆晒燈~!

而 youtube 紅人Katy 同 伍公子 既片都有睇過~
http://www.youtube.com/user/katykissbo



http://www.youtube.com/user/Loui5Ng

佢地都成功既印證左一件事，就係只要努力堅持同精益求精，
將有質素既片段/文字同大家分享，觀眾既眼睛始終係雪亮既。

各位blogger / youtuber~!! 加油~!!!
那怕瀏覽數少得可憐，好野終會被人發現~
keep住心中團火，好野繼續keep 住 post~!!

童年的回憶 --- 茶餐廳自製包點 + 熱杏霜加蛋

寶寶小時候住在旺角，每個早上都在西洋菜街等褓姆車。
在那裡，有一家叫 "文華冰室" 的茶餐廳，相信不少人都認識那家在旺角鬧市的老店。

究竟"冰室" 跟 "茶餐廳" 有什麼分別.... 寶寶不知道....
只知道小時候媽媽叫冰室作茶餐廳，那之後冰室就等如茶餐廳了。



文華自己有自家餅房，店外賣著自製的港式包點 : 蛋撻、菠蘿包、椰撻、蛋卷.......等等。

在等車的早上，大人們會給寶寶在那裡買一個麵包，作早餐在車上吃。
有時候媽媽也會來外賣下午茶，大多是一個菠蘿油及一柸熱杏霜加蛋。

因為每一次都是外賣的關係，基本上寶寶是沒有進過文華店內的，
每一次都是站在門外看著十年如一日，也沒有什麼變化的麵包櫃檯。



我知道，可能有朋友會說，隔一條街的金華的菠蘿油更好吃....
寶寶也試過金華，他們的菠蘿油的確出色。
但，對比起金華的熱鬧繁華，寶寶始終喜歡文華的底調平淡..... 大概是因為情意結吧~!

說到熱杏霜加蛋，現在要找一柸已不是一件容易的事，
但在寶寶小時候，那是絕大部份的茶餐廳都能點到的飲品。
所謂的熱杏霜加蛋，其實是用杏霜粉開的熱飲，再加入一隻生蛋黃。
媽媽說蛋黃很有營養，而杏霜對皮膚很好，所以小時候寶寶也常喝。

熱杏霜加蛋也是滿好玩的，
每一次寶寶打開外賣柸，就會用攪捧撈起浸在杏霜內的蛋黃，
在一下一下的把蛋黃攪開，
因為杏霜是很熱的，蛋黃一攪開就會凝固，
一片片的蛋黃，就如像小小的花瓣散落在杏霜之中，非常好看....
看著在柸中飛舞的蛋黃花瓣，轉呀轉..... 轉呀轉......
那是我小時候對茶餐廳食品的一個深刻片段。

不知在讀那篇文章的你，又有否嘗過熱杏霜加蛋呢?

 

淘寶買衫好似大海撈針? 好站推介 --- 蘑菇街

上淘寶買衫，如果冇特別target想要買邊一類，或者打唔中個keyword..
有時真係好似大海撈針甘，唔知點搵。
寶寶最近發現左個網站，大家可以輕鬆window shopping淘寶上既衣飾, 仲幫你格埋價tim~

早前同國內同事QQ之際，就見到一個賣衫既廣告，
因為D 衫幾靚就click左入去..... 就見到呢個叫 "蘑菇街" 網站。
http://www.mogujie.com/book/elegant/?f=tengxunxkongjian31&qz_gdt=xextdr3s332Uycfi2DSEGId5iCK2owwsSAYlRGwt!IZrK4!zP0fCA6gqdXmHcfq9NBc_qvOjGmI#info_bar

入面有好多網友介紹既淘寶貨品... 相既右下角有價錢，
相下面仲可以睇到網友既評語同有幾多個like(喜歡)。

click入去會見到產品details / 唔同店舖既價錢 / 網友comments....
而頁面都直接link去有關店舖，一click就去到。
同一款衫就唔洗豈淘寶左搵右搵甘辛苦，都可以格到至抵喇 ~^^
(當然店舖評價都係一個好重要既考慮)

有時店鋪會特別比"蘑菇街"讀者特別優惠，
好似下面呢間甘，click入之後會彈出有關購物優惠流程，跟住做就有discount喇~



入面其實有唔同item細分，可以按唔同需要去睇相關資料。

嘻~ 寶寶又有排沉淪淘海喇~

清潔keybroad好幫手 萬能啫哩清潔膠 @ 淘寶

就係呢一舊啫哩既清潔膠，公司同事玩左個lunch....
http://item.taobao.com/item.htm?spm=a1z09.5.0.41.7Da0ZE&id=16473672914


寶寶bid其他野時，見d人comment話好好用，而且又只係RMB1.90一包，就bid埋試下佢。
收到後一試，又真係幾好用~^^

好多時keyboard都會積左d塵豈d鬼鼠位，你點抹都清唔到果d位...
就好似下面張相寶寶個keyboard甘....

用呢個清潔膠就解決到呢個問題喇~

首先攞適當份量既膠 (一包唔洗一次用晒ga...)，放豈手度成一團，要有少少厚度，

之後輕輕禁落要清理既位置，甘d膠就會走入去痴走d塵....

輕輕起返舊膠出黎.... 乾淨晒~^^
舊膠就變左格仔餅lu......

之後舊膠都仲可以再用，用到冇痴力為止。
個packing幾好，密實袋設計，可以易於收藏，用完又用~


同事話之前香港都有得賣, 不過就冇甘平....
甘bid開bid埋都唔錯ar~^^

豈呢間店舖，寶寶其實係bid左個亞加力膠架放護膚品用，下次同大家share~^^

淘寶寶既facebook page~ 請多多支持~!!

終於都忍唔住開左個facebook page ~
如果大家鐘意寶寶既sharing，可以入去like埋個page~ ^^
甘除左分享BLOG文之外，寶寶都可以隨時同大家分享有趣既所見所聞。

請大家多多支持~!!

淘寶寶

Promote Your Page Too

((非關淘寶)) - 急救肌膚超好用~! ESTEE LAUDER Re-Nutriv 活膚面膜

寶寶最近好忙, 晚晚都搞到成2點幾先訓......
唔好話fu mask.... 就連基本深層清潔，去角質呢D都冇做...
日日洗完面搽完野就算數.... 搞到d皮膚又開始差差地.....

豈呢D時候，寶寶都好鐘意用 ESTEE LAUDER  呢隻活膚面膜

ESTEE LAUDER Re-Nutriv Ultimate Lift Age-Correcting Mask 極緻提升活膚面膜

呢隻mask洗完面之後fu佢15-20分鐘就用水洗左佢...
用完之後對補水同收細毛孔都幾有效。

寶寶認識呢隻mask係豈舊公司，新蒲崗廠區附近有化妝品公司開倉時見到...
一 pack HKD58 / 3支 5ml 好似上面packing...
心諗呢d mask久唔久用下都可以一試，就買左一pack。
用過一次之後感覺唔錯，尤其皮膚好攰冇晒光澤時用黎急救就最見效。

之後都上網check過下，正貨一支要成9百幾蚊..
所以寶寶都係買sample用就算啦...
一來比少d$$..... 二來都唔敢用得太多太密....
一至兩個星期先用一次，其他時間就用其他mask
因為怕太補，皮膚受唔到會有反效果。

買支sample放豈屋企，辛苦捱夜過後要黎幫皮膚叉下電...
都係一個唔錯既選擇~^^

萬用 iphone 夾 @ 淘寶

如果大家有睇我blog其他post, 都會發現有blog入面有d短片夾雜住。
果d都係寶寶自己用iphone拍同剪既~
由於只等一雙手，要揸機又要hold住d拍攝物...
不時都有手震既情況。
而要家人幫手, 又唔係成日甘方便....
所以就上淘寶bid左呢個iphone夾，方便拍攝 ^^

http://item.taobao.com/item.htm?spm=a1z09.5.0.42.zOIZO5&id=15187343227

寶寶bid果個係最平, 最基本果款... 30幾蚊人仔~
因為最啱用，就好似下面張相甘，
搵個位夾豈度，個支架就可以任意扭教角度，好方便 ^^

佢其實仲有另一個套餐RMB49.50，有埋吸盤座
用途就更多喇~

如果大家想bid, 最好問清楚賣家唔同套餐/第幾代包咩....
因為寶寶bid時都有少少confuse.... 又唔知幾代.. 又套餐.... @@
上次我bid時只得5代... 而家已經去到第6代喇~
為免bid錯野，都係問一問好d~ ^^

其實, 呢個夾個名叫"手机万向懒人支架床头床上手机电影支架子"
原意係甘用既.....

大家有呢個夾，又會唔會豈張床度甘用呢?
好似甘樣睇戲有d辛苦....
豈屋企，睇戲都係睇電視好d...... :p

春夏 新LOOK : 牛仔裙 @ 開倉 + 橙色牛皮懶佬鞋 @ 淘寶

近呢一個星期一時凍一時熱，
好似上星期寶寶已經著左呢條雞亦袖牛仔裙，
今日又要著返晒間棉褸。
大家要小心身子，唔好感親~!

講豈條牛仔裙，寶寶係豈過年前公司附近有開倉時買既，港幣90蚊都OK啦~
出口歐洲既貨尾，最好既係呢D鬼婆SIZE啱我著... :p

既然係春裝，當然要配SHARP d既色~
寶寶就襯左對橙色牛皮懶佬鞋
舊年bid60蚊人仔，今日為左寫blog再click入去時，已經加價至RMB69.00...
對鞋都幾好著，幾舒服....
但係唔係真牛皮呢..... 就冇去深究喇~ 反正都係幾十蚊貨仔。
http://item.taobao.com/item.htm?spm=a1z10.1.w17487677410.4.rpBj20&id=19065507804

其實上面對鞋，之前都有介紹過
http://blog.yahoo.com/tao_baobao/articles/896970/category/%E9%9E%8B
但當時過年佢CUT晒所有post... 而家出返就再貼一次。

下次再會~ ^^