hehe... 好似講緊我wo....
而家寫blog米做緊呢d野law~^^
但寶寶自問文筆一般....
又有輕微腦退化，成日執筆忘字，
實在難登大雅之堂....
所以亦唔敢有非份之想。
但我覺得好多share淘寶筍貨同心得既blogger，係絕對夠資格做呢個post~!
如果大家有興趣既不妨一試。
(話時話，唔知可唔可以freelance投稿，甘寶寶都應該仲可以久唔久玩下.....)
雖然唔會去申請，但寶寶自己都諗過下....
如果豈淘寶買野同分享變左一份工作，又會變成點呢?
我諗，同而家既工作內容會有少少相似....
寶寶係從事採購工作既，
都係日日sourcing，搵d平、靚、正既好野...
但分別係我而家買既量比較大，客人會比個target你去搵，
要去解決客人唔同既需求，豈中間同供應商協調同溝通。
而做雜誌就係以搵到買好野既資訊為主，
再通過文字同相片，排版包裝推出去比讀者。
前者著重買貨經驗同採購網絡 ; 後者有趣既文字描述同美工包裝就較為重要。
而且, 因為買野同分享變成一個商業產品，
讀者既喜好同點樣吸引更人睇，就會係一個好基本既考慮。
始終有讀者支持先有飯開呀~!
無可否認，有d人真係有呢一種本事，
說話內容同表達手法一流，隨便一講就已經非常吸引人，
佢地明白點樣做d讀者會鐘意，相信呢個亦係做傳媒人不可多得既經驗。
寶寶寫blog都係娛人娛己，
平日癈話太多，上網放一放，
為身邊人減輕負擔，唔洗聽到死死下.... :p
但自己都認真去對待寫blog呢件事，
希望豈中間可以同素不相識既朋友分享交流之餘，
又可以試試不同既表達方式，例如不久之前就開始試下玩拍片，
雖然係bb班級數，但都叫識d基本剪片同配音做法。
豈yahoo寫blog，好多時都會有熱心blogger留言鼓勵，
呢個係好warm同好開心既一件事，好多謝您地~^^
有時寫blog都好似做農夫甘....
自己做左功夫寫左野post上blog，就好似埋左粒種子豈泥土入面，
之後就等，等人入黎睇，等人search keywords見到....
好似農夫甘望天打掛...
隨住時間過去，會見到d post瀏覽量會慢慢增加，
就好似植物慢慢生長一樣。
但可以生到有幾多呢? 呢一樣野好多時都預計唔到....
因為太多因素影響，比如keyword人地search唔search到、內容係唔係讀者興趣.... etc.
我成日提自己，只要盡力將一d好野post上黎就係....
之後就用農夫既心態去等待。
至於宣傳方面，係有試過post上一d討論區share...
但最後我用左10年既討論區a/c，因為share呢個blog比人剷左....
(而家再login 唔到，所有pm都冇晒........ 喊出黎...)
原因係寶寶個blog含商業用途... TAT... (如果真係商業用途有錢收就好喇......)
哎，但討論區人太多，也不得不用嚴格規則去管理。
所以之後都冇再POST上討論區...... 或作其他宣傳......
希望豈茫茫網路之中，遇到入黎既人，已經心願足了。
我會繼續耕好淘寶寶呢塊田既~^^
