窗廉 @ 淘寶

寶寶前排因為屋企裝修，所以房內窗廉都一併換埋，襯返其他傢俬~
原來諗住只係想要淨色窗廉，應該唔會好貴...
就去左屋企附近商場D細鋪仔問，點知要成6-7百蚊起跳... =.=
睇得上眼好少少要上千....
因為返大陸做野，就順道去太太們北上做窗廉既聖地 - 羅湖商業城 睇下。
去到先發現d窗廉一d都唔平....  (可能我真係好out.....)
我睇中左一幅冇咩花紋既，要上千蚊人仔... @@
(其實.... 寶寶從來都未試過買窗廉... 真係唔知價....)
豈因為唔想用甘多錢既情況之下.. 又一次回到我最親愛既淘寶。

其實，寶寶有時都希望豈鋪頭睇實物買野，因為甘樣會開心d...
而且唔會有貨不對辦既風險。
但... 要搵到一件心頭好，有時並唔係甘容易....
上淘寶只要打個keyword，就有多到睇唔晒既選擇比你慢慢簡。
仲有，一個強大既敵人 --- 價錢.... 近呢一年物價之高，的確另人卻步...
加上習慣左淘寶既價錢，真係有d難適應出面街既價格 :P....
所以寶寶都越淘越深，不能抽離.....

一上淘寶，話甘快就比我搵到認為款式同價錢ok既....
http://item.taobao.com/item.htm?spm=a1z09.5.0.43.o5Ph9R&id=19148740339

下面係寶寶房既實物拍攝圖:

寶寶買最細果幅(1.3闊*1.5高)，當時bid人仔35蚊一幅包郵(國內)...
(今日再click入去，減左價，只係要RMB28.00)
左右要bid 2 幅，就用左70蚊人仔，都係80幾蚊港紙...
甘就輕鬆搞掂喇~^^

用左幾個月，洗過一次.. 而家都OK
雖然唔係100% 心水選擇，但寶寶都覺得滿意~

** 如果大家係用叉叉勾窗廉，記得要bid比窗闊度多1.5 - 2倍。寶寶只係用夾夾上去，所以就冇bid甘大幅喇~**