用淘寶創業 / 創業在淘寶 --- 少不了的開拓精神

相信大家出去行街時，都會發現小至格仔鋪，大至一D中下價連鎖時裝店，都出現淘寶化呢個現象。
淘寶化 --- 即係入面賣既野都係淘寶買返黎既袋品...
寶寶屋企附近既商場，大部份小型鋪頭都係賣緊豈淘寶見過既野...

好似尋日甘，見到個假皮袋賣50蚊，覺得都ok~
返去上淘寶時，又比我見到... 無刻意去格價，盛惠人仔35大元。
其實 hkd50 真係幾抵，因為冇洭率同運費成本，而且見到實物又唔洗等~!
寶寶唔排除店家減價促銷，志在回本... 又或者呢個袋來貨價更底，賣hkd50都仲有利潤空間。
但至少，說明呢d淘寶貨係有市場價值，問題就在你如何利用。

寶寶讀書既時候，有一位老師曾經講過 :
" 如果你可以將一件人人都覺得冇價值既野，轉化成有用有意思既事物，
甘你既回報將會非常豐厚，因為你既成本只係一件人人都唔要既垃圾。"
呢一段說話打入左我既心入面，時不時都會攞出黎反思...

點樣將一件人人都唔要既垃圾，變成有用有意思既事物呢?

至少，我地需要相信呢一件垃圾，有佢未被發現既潛能同價值。
如果唔係，之後根本冇動機同毅力去繼續發掘同研究~

垃圾之所以為垃圾，係因為佢既主人唔需要又或者唔鐘意佢
例如廚餘, 舊電器，已過時既衫.......
但呢一d物品，去到有需要或者喜愛呢d物件既人面前，垃圾又變成寶物。
因為唔同人唔同角度同心態，見到事物唔同既一面...
亦帶黎唔同既意義同價值。

有時，出去見到一d賣淘寶野既舖頭或格仔，其實心入面都好欣賞。
"嘩~ 居然搵到呢d~"
又或者，個氣氛同包裝另你覺得好值...
又有時，比到一d便利同信心你，另你覺得同佢買一定冇錯..
又可以，係提供左d需要既服務同資訊 (比如運輸，充值.....)
等等.....
都係源於佢地對果d貨品同店舖經營既熱愛同無限既創意~
雖然寶寶成日淘，但都由心佩服每一位勇於賞試同充滿熱誠既店主們。
反之，對淘寶開店既千千萬萬同志們亦一樣，因為佢地都係做緊同樣既事。

或者，未必有人認同你所見所想，但自古成功在嘗試~!