按摩花灑柱 @ 淘寶

寶寶屋企前年主人房廁所裝修，由浴缸改做企缸~
所以舊既水龍頭花灑就一齊換左佢。
出去睇D浴室用品時，發現原來一個好少少既花灑頭連上牆教高度既杆，都要上千.....
所以寶寶就唔憤氣上淘寶睇下，有冇其他選擇。

最初我甘做，大家都好反對.... 因為怕易爛同生锈...
連來自大陸既師傅，都話未試過有客人甘做，淘寶邊有好野。

但寶寶上完去搵之後，就真係好想要呢一套按摩花灑柱.....
http://item.taobao.com/item.htm?spm=0.0.0.33.tZYZXN&id=12771043324

 因為之前出去睇過類似既起碼3千幾，一D歐洲牌子仲要上萬蚊;

但而家幾百蚊就買到。
而且前年呢間店舖評係好高分，亦有唔少買家留COMMENT話好用，之後同家人再商量之後就決定一試。

呢台野重6-7KG，店家可以幫我直接到屋企，只收 RMB50 作快遞費。
落BID大約3-4日就收到喇~
裝修師傅幫我地裝完都問我地豈邊度買，因為真係唔錯。

寶寶so far用左年幾2年，花灑柱都冇咩問題，亦冇壞冇生锈~ 不過按摩就好少用，呢part就comment唔到。
所以呢台按摩花灑柱真係物超所值~!

舊年屋企出面個廁所都轉埋企缸，媽咪叫我再bid多一台返黎，甘寶寶自然去返上次度bid~
但今次去到時，見到d評分底晒... 唔知發生咩事。
寶寶同店家問有冇其他花灑柱介紹，佢都叫我買返呢台，話質素最穩定，而且價錢較平。
甘就bid返呢台，價錢貴左幾十蚊，但運費依然收 RMB50 到屋企。
安左而家都有幾個月，又一樣冇事冇幹~
真係唔明發生咩事喇......

~~ 追加實物VIDEO~~

同場加映

寶寶家中洗手盤水龍頭要換，自自然然又去淘寶bid~
因為一個閒閒地豈香港買要幾百蚊。
但係.... 寶寶今次bid錯左 TAT....
http://item.taobao.com/item.htm?id=20237752563

打開之後先發現屋企洗手盤個位唔啱.....

哎，比阿媽鬧到死......
大家要BID時真係要小心睇下啱唔啱位，安唔安到先買...
唔好好似寶寶甘大頭蝦.... :P