((非關淘寶)) 上海炒年糕

每一年既新年, 寶寶屋企都會炒上海年糕，相信好多人食上海菜時都有點過。

今次，就想分享一下煮法:

下面程序寶寶屋企會豈初一前一晚做好。
    A -上海年糕買返黎洗乾淨, 之後切片。切好既年糕用水浸住，之後放空溫就可以，唔需要放入雪櫃，大約可放一星期。

    B - 雪菜洗淨，切段，之後用白鑊(冇油既鑊)烘一烘。之後用油，落瘦肉絲，筍絲同雪菜炒，中間落少少麻油吊味。
     炒起之後，可以放入雪櫃，需要時用。

之後，就可以燒熱隻鑊落油喇~

寶寶今年豈萬寧換左個新既平底易潔鑊，只有用好少油就夠炒成碟年糕，超正~!

放年糕，用中火先炒一下

年糕開始有少少軟身時就可以加之前炒好既雪菜肉絲

 炒開放入既雪菜肉絲之後，就加老抽加色，再用生抽調味，炒一炒。

剷起半成品，之後再放黃芽白，放少少老抽生抽，炒一炒。之後再加少少水煮菜。

豈菜就快熟，水未完全收時，將年糕再回鑊，中火炒至乾身。

炒勻，試下味... 如果唔夠就再落調味。完成~!

上碟

** 煮上海野, 一支麻油非常重要。如果係呢種豉油煮法，如果冇用麻油，就完全唔似樣....
不過，唔好落太多，少少就已經足夠~
大家如果有興趣可以試下~ ^^